Humb kontrollin e makinës dhe del në anën e kundërt të rrugës, dy persona të lënduar

14:57 | 19 Dhjetor 2020
Arbresh.info

Dy persona kanë pësuar lëndime trupore, pasi një veturë ka humbur kontrollin dhe ka dalë nga ana tjetër e rrugës, duke goditur veturat.

Rastin për portalin arbresh.info e ka konfirmuar Agim Gashi, zëdhënës i policisë për rajonin e Ferizajt.

Ai tha se aksidenti ndodhi në rrugën “Epopeja e Jezercit” si pasojë e mospërshtatjes së shpejtësisë dhe kushteve atmosferike.

Njëri nga të lënduarit është dërguar për trajtim në QKUK.

“Rreth orës 12:20 në rrugën “Epopeja e Jezercit ka ndodhë një aksident trafiku, mes tri njësive, ku përveç dëmeve materiale lëndime kanë marrë dy persona. Janë dërguar në emergjencën e Ferizajt, ku njëri prej tyre është dërguar për trajtim të në QKUK. Policia në vendin e ngjarjes është marrë me rastin”, tha Gashi.

I pyetur se cila ishte arsyeja e aksidentit, ai tha se njëra prej veturave ka humbur kontrollin dhe ka kaluar në anën e kundërt si pasojë e mospërshtatjes së shpejtësisë dhe kushteve atmosferike./arbresh.info/